Deputeti nga radhët e AAK-së, Besnik Tahiri, ka reaguar pas fillimit të testimit të rrugëve njëkahëshe në unazën e brendshme të Prishtinës, duke e quajtur një testim pa rezultat të qartë dhe me ndikim negativ.
“Edhe pse qëllimi i deklaruar, del të jetë ambiental, tollovia e shkaktuar nuk i shërben kësaj. Aq më tepër, kur rritja e qëndrimit në rrugë (kolona) rrit ndjeshëm ndotjen, e dihet se një ditë e zakonshme gjatë vikendit, bllokada dhe frekuenca është ndjeshëm më e ulët”, ka shkruar Tahiri, duke bërë thirrje që ky veprim të anulohet menjëherë nga kryetari Përparim Rama, në mënyrë që t’u hapet rrugë veprimeve të planifikuara mirë.