Shefi i Grupit Parlamentar të PDK-së, Abelard Tahiri sot para deputëtëve në Kuvendin e Kosovës është shprehur se që nga 23 prilli i vitit 2020, Korporata Energjetike e Kosovës, udhëhiqet nga Lëvizja Vetëvendosje.
Ai është shprehur se kemi hyrë në vitin e pestë që sipas tij, KEK-u menaxhohet nga njerëzit e deleguar nga VV-ja.
“Ajo që vlen të theksohet është se nga 23 prilli i vitit 2020, Korporata Energjetike e Kosovës, udhëhiqet nga Lëvizja Vetëvendosje. Ka qenë Qeveria Kurti 1 kur me datë 23 prilli i vitit 2020, emëron bordin e ri dhe drejtorin e ri të Korporatës Energjetike e Kosovës”.
“Tash e pesë vite, kemi hyrë në vitin e pestë, kur Korporata Energjetike e Kosovës menaxhohet nga njerëzit e deleguar nga Lëvizja Vetëvendosje”, është shprehur Tahiri.