Shefi i Grupit Parlamentar të Partisë Demokratike të Kosovës, Abelard Tahiri ka thënë se shkarkimi i Hekuran Muratit nuk ka opsion.
Tahiri, në një deklarim për media pas mbledhjes së Kryesisë së Kuvendit, ka thënë se shkarkimi i ministrit të Financave, Punës dhe Transfereve është opsioni i vetëm i kryeministrit Kurti.
Ai i ka cilësuar të papranueshme shkrimet e ministrit Murati për veteranët. Ato i ka cilësuar “të papranueshme”.
“Fyerjet e ministrit ndaj veteranëve janë të papranueshme. Prandaj ne mendojmë se kryeministri nuk ka opsion tjetër përveç se shkarkimin e tij. Imagjinojeni nëse pranojmë një sjellje të tillë nga një ministër ndaj një kategorie kaq të ndjeshme sikurse janë veteranët e luftës”, deklaroi Tahiri.
Tahiri ka thënë se mosveprimi i kryeministrit Kurti ndaj ministrit Murati “i ka legjitimuar tërë ato shkrime”.