Telenews

Takimi me deputetët e minoriteteve, Kurti u kërkoi të marrin pjesë në votimin e Kodit Civil

Kodi Civil është një prej temave të rëndësishme që kryeministri Albin Kurti ka diskutuar në darkën e mbrëmshme me deputetët e grupit parlamentar multietnik.

Kjo çështje hyn te ligjet me rëndësi të veçantë, që Qeveria e ka përmendur ndër temat e diskutuara me ta, pos marrëveshjeve ndërkombëtare dhe mundësisë së zgjedhjeve të parakohshme.

Por, kryetari i këtij grupi parlamentar, Enis Kervan, thotë se kryeministri nuk ua kërkoi atyre votën për miratimin e Kodit që po has në vështirësi të ecë tutje.

“Për Kodin Civil kemi fol, por nuk ka qenë tema kryesore Kodi Civil, dje për Kodin Civil nuk na ka kërku (kryeministri) votën, por kemi pasur diskutime edhe për Kodin Civil edhe për ligjet tjera, ligjin e regjistrimit civil, ligjet tjera, disa ligje të tjera. Por veçanërisht për ndonjë ligj, jo”, ka thënë ai.

Kervan që vjen nga radhët e komunitetit turk refuzon të tregojë qëndrimin e tij për nenin kontestues që i hapë rrugë ligjit për lejimin e martesave mes gjinisë së njëjtë.

E, ngjashëm vepron edhe deputeti boshnjak i këtij grupi Bahrim Shabani, i cili mori pjesë në takim.

“Si grup multietnik jemi 8 deputetë, 5 komunitete dhe 7 parti politike. Kështu që çdo parti e ka brenda saj se si do të votojë, kjo është diçka individuale e deputetëve. Nuk i kemi diskutu kështu veç e veç secili deputet qysh ka me marrë vendimin”, ka deklaruar ai. 

Ndërsa, deputetja Duda Balje që zëshëm kundërshton Kodin Civil, ka qenë e paqasshme gjatë së mërkurës për t’u deklaruar nëse vazhdon të mbajë qëndrim të njëjtë edhe pas takimit me Kurtin.

Krah kryeministrit, në takim ishte edhe kryetarja e grupit parlamentar të tij, Mimoza Kusari-Lila, por ajo heziton të tregojë nëse morën sinjale pozitive se deputetët kundërshtues mund të ndërrojnë qëndrim.

Megjithatë, tha se kërkesa ndaj tyre ishte e qartë.

“Ne kemi kërkuar që të deklarohen për votën, si për, si kundër, si abstenim, por të marrin pjesë në votim. Më e vështira edhe për mua si drejtuese e grupit më të madh parlamentar, por edhe për vet kryetarin e Kuvendit, dy arsye që shpesh herë na kanë sjellë, dhe kryetari e ka thënë edhe publikisht ky Kuvend duhet të shpërndahet nëse nuk e ka kuorumin bazik për disa ligje dhe marrëveshje ndërkombëtare s’kemi pse qëndrojmë. Dhe këtë e bën si pasojë e mosmundësisë së deklarimit të deputetëve, të pozicionit të tyre”, ka deklariar Kusari – Lila.

Megjithëkëtë, pas kundërshtimeve të brendshme, partia në pushtet vazhdon të mos i ketë votat e nevojshme për ta miratuar Kodin.

source

Të ngajshme

Kurti uron kryeministrin Mickoski për pozitën e re: Mezi pres t’i forcojmë marrëdhëniet bilaterale me Maqedoninë e Veriut

Donat Hashani

Deklarata brilante e Daliqit për futbollistin e tij: “Këtij lojtari i kërkoj falje, e meriton”

Donat Hashani

Lajçak për Draftin e Asociacionit: Nuk do të propozoja kurrë diçka që nuk do ta propozoja për vendin tim

Donat Hashani