Kryetari i Lidhjes Demokratike të Kosovës (LDK), Lumir Abdixhiku, ka thënë se takimi me kryetarin e Lëvizjes Vetëvendosje, Albin Kurti, ishte një hap i mirë për hapjen e diskutimeve të mëtejshme lidhur me situatën politike në vend.
Pas takimit, Abdixhiku ka bërë të ditur se bisedimet u fokusuan në stabilitetin institucional dhe në “shmangien e domosdoshme të zgjedhjeve të reja”.
“Hap i mirë, i mbarë për të hapur kapitujt tjetër takues e diskutues”, ka thënë Abdixhiku para mediave.
Ai ka theksuar se gjatë takimit nuk është diskutuar për ndarje postesh, por për parime dhe çështje që lidhen me funksionimin e institucioneve.
Abdixhiku ka deklaruar se palët kanë diskutuar për nevojën e stabilitetit institucional dhe për mundësinë e shmangies së zgjedhjeve të reja, duke lënë të hapur mundësinë e vazhdimit të komunikimit në ditët në vijim.