Një takim i dy artisteve të njohura shqiptare në studio muzikore ka ngjallur kuriozitet te fansat e muzikës.
Vokalistja Adelina Thaçi ka publikuar një fotografi ku shihet në studio me Taynën dhe Dhurata Dorën, duke lënë të kuptohet se mund të jetë duke u përgatitur një projekt i ri muzikor.
“Studios tonë iu shtua edhe një yll tjetër. Dhurata Dora sot bashkë edhe me Tayna. Punë, energji, të qeshura… edhe pak magji”, ka shkruar Thaçi në postimin e saj.
Edhe pse asnjëra prej artisteve nuk ka konfirmuar detaje, prania e tyre së bashku në studio ka shtuar dyshimet për një bashkëpunim të mundshëm.
Një projekt i tillë do të ishte i pari që bashkon Taynën dhe Dhurata Dorën, dy prej emrave më të suksesshëm të skenës muzikore shqiptare.