Një person është arrestuar të dielën në mesditë në Prishtinë pasi nuk iu ndal policisë dhe u arratis nga vendi i ngjarjes.
Por, i dyshuari u kap nga policia dhe u dërgua në stacion.
Në stacionin policor ai dyshohet se sulmoi një zyrtar, ka thënë policia në raportin 24-orësh.
“Lidhur me rastin i dyshuari është arritur të arrestohet dhe pasi është dërguar në stacion policor, i njëjti e ka sulmuar fizikisht njërin nga zyrtarët i cili si pasojë ka pësuar lëndime trupore për çka dhe i është ofruar tretmani mjekësorë”, thuhet në raport.
Me vendim të prokurorit, i dyshuari është dërguar në mbajtje. /Telenews.al/