Kryeshefi i ngrohtores “Termokos” Fisnik Osmani, përmes një njoftimi në Facebook ka treguar se kjo kompani ka ndarë 15 bursa për studentët e Fakulteteve Teknike.
Në njoftim, ai ka treguar se deri me datë 01.02.2024, studentët e Fakultetit të Inxhinierisë Mekanike, Fakultetit të Inxhinierisë së Ndërtimit dhe Fakultetit të Inxhinierisë Elektrike dhe Kompjuterike do të mund të aplikojnë për bursën të cilën e ndan NQ Termokos – për të dytin vit me radhë.
Ai ka shtuar se janë të përkushtuar të ndihmojnë studentët që janë inxhinierët e ardhshëm për të ndërtuar vendin tonë.
“Dokumentacioni dorëzohet tek Dekanati i njësive përkatëse (FIM-FIN-FIEK)”, ka njoftuar Osmani.