Një skenë e papritur dhe e pakëndshme ka ndodhur gjatë ndeshjes finale në konkurrencën e femrave në Australian Open, ku një tifoz ndërpreu ndeshjen për pak kohë.
Arina Sabalenka fitoi në finale ndaj Qinwen Zheng me rezultat 2:0 (6:3 dhe 6:2) dhe kështu vazhdoi dominimin e saj në tenisin për femra.
Ajo fitoi një titull të ri Grand Slam pa humbur asnjë set dhe ndeshja do të mbahet mend edhe për skenën nga seti i dytë.
Kur bjellorusja po nxitonte drejt titullit në Australian Open, një grup tifozësh vendos të lidheshin me karriget në të cilat ishin ulur dhe më pas filluan të bërtasin: “Palestina e lirë, Palestinë e lirë”.
Australian Open
Mecz finalowy
Sabalenka-Zheng
Facet sie przywiazal do krzesla i krzyczy ze Izrael morduje Palestyñczykow.
Macie z pierwszej reki, przed mediami, bo moja przyjaciolka siedzi obok.Nikt juz nie pamieta o tej wojenie…
NIKT! pic.twitter.com/IgcX4rigTT— Nata Acosta (@acosta_re_nata) January 27, 2024
Ata sollën edhe flamurin palestinez dhe duke qenë se në tenis është rreptësishtë e ndaluar të bërtasësh çdo gjë gjatë kohës që po zhvillohet ndeshja, menjëherë ka reaguar sigurimi dhe i ka nxjerrë jashtë fushës.
Pushimi i shkurtër përfundoi pasi tifozi kryesor me flamur në duar u dëbua dhe ndeshja rifilloi pas kësaj.
Pushimi nuk i preku tenistet, sidomos Sabalenka, e cila me lojën e saj dominuese tregoi se aktualisht nuk ka të asnjë barabartë në turneun WTA.