Komuna e Prishtinës ka njoftuar se për shkak të punimeve, do të bllokohet rruga “Fehmi Lladrovci”, në segmentin nga Rrethi i Flamurit deri te Rrethi i Spitalit.
Trafiku Urban në kryeqytet njofton se do të ketë devijim të përkohshëm të itinerarit për linjat 3 dhe 4.
Ndryshimet do të bëhen vetëm në drejtimin e ardhjes, në segmentet rrugore si në vijim:
Linja nr. 3: Bardhosh – Rrethi i Matit Eqrem Çabej → Afrim Zhitia → Xhevë Lladrovci → Astrit dhe Arbnor Dehari → Rrethi i Matit.
Linja nr. 4: Parku i Gërmisë – Matiqan, Eqrem Çabej → Afrim Zhitia → Xheladin Rekaliu → Matiqan.
“Në drejtimin Matiqan – Parku i Gërmisë (Linja nr. 4) dhe Rrethi i Matit – Bardhosh (Linja nr. 3), qarkullimi do të zhvillohet sipas itinerarit të rregullt” njofton Trafiku Urban.
Punimet në rrugën “Fehmi Lladrovci” do të zgjasin nga datat 10 deri më 18 korrik.