Telenews

Trepça: Mos bini pre e biletave të falsifikuara për ndeshjen finale

Ndeshja vendimtare në mes të Trepçës dhe Golden Eagle Yllit, e cila do të përcaktojë kampionin në basketboll, pritet zhvillohet të enjten në orën 19:00 në palestrën “Minatori” në Mitrovicë.

Trepça ka njoftuar se biletat do të dalin në shitje të enjten nga ora 9:00.

Megjithatë, klubi mitrovicas ka paralajmëruar se bileta të falsifikuara janë shfaqur në tregun e zi që të mërkurën, me çmime dukshëm më të larta se ato të vendosura nga Trepça, të cilat kushtojnë katër euro.

Për më tepër, këto bileta të falsifikuara nuk mundësojnë hyrjen në palestrën “Minatori”, e cila pritet të jetë e mbushur plot.

“Ju njoftojmë që kemi informata që në treg të zi kanë dalë në shitje bileta të ndeshjes. Bëhet fjalë për bileta falso dhe assesi për biletat e ndeshjes. Klubi ende nuk ka nxjerrë në shitje biletat. Prandaj ju lutemi që të keni kujdes dhe mos të bini pre e mashtrimeve të keqpërdoruesve. Biletat e ndeshjes dallojnë shumë nga ato që janë falsifikuar nga dashakëqinjtë e klubit”, thuhet në njoftimin e Trepçës të publikuar të mërkurën mbrëma.

source

Të ngajshme

Kombëtarja mbërrin në Shqipëri, shihni momentet dhe intervistat me lojtarët e trajnerin (VIDEO)

Donat Hashani

Ish-trajneri i CSKA Moskës: Serbët i kemi vëllezër, Daku të largohet nga Rusia

Donat Hashani

Berat Gjimshiti me mesazh për tifozët dhe lojtarët e rinj të kombëtares

Donat Hashani