Një grabitje e armatosur ka ndodhur rreth orës 15:15 në Prishtinë në një këmbimore.
Policia ka njoftuar se i dyshuari ka shtënë me armë zjarri AK-47 dhe se në përpjekje për të parandaluar grabitjen edhe një qytetar ka shtënë me armë zjarri
Sot rreth orës 15:15, është raportuar për një rast grabitje në një këmbimore në lagjen Tophane në Prishtinë, me ç’rast i dyshuari ka shtënë me armë zjarri AK-47. Si reagim ndaj të shtënave të të dyshuarit, në përpjekje për të parandaluar grabitjen një qytetar po ashtu ka shtënë me armë zjarri”.
Tutje u njoftua se i dyshuari i cili dyshohet të jetë i plagosur është arrestuar në Obiliq.
“Pas marrjes së informacionit, zyrtarët e Policisë së Rajonit të Prishtinës kanë dalë në vendngjarje, kanë ndërrmarrë të gjitha masat e nevojshme operativo-policore dhe pak minuta pas raportimit të rastit, kanë arritë që në Obiliq të arrestojnë personin dyshuar i cili është i lënduar. Të njëjtit për shkak të lëndimeve ( dyshohet të jetë plagosur) i është ofruar tretmani i nevojshëm mjekësor”.
Poashtu, policia ka sekuestruar veturën e të dyshuarit si dhe një armë automatike, të tipit AK-47.
“Ndërlidhur me rastin policia ka sekuestruar : -veturën e të dyshuarit, si dhe, -një armë automatike, të tipit AK-47. Ndërkaq hetuesit po vazhdojnë me ndërmarrjen e veprimeve hetimore policore për të zbardhur plotësisht rrethanat e ngjarjes“.