Presidenti amerikan, Donald Trump, ka deklaruar se po konsideron largimin e Shteteve të Bashkuara nga NATO-ja, pas refuzimit të aleancës për t’iu bashkuar në operacionet lidhur me luftën në Iran.
Në një intervistë për “The Telegraph”, presidenti e ka përshkruar NATO-n si një “tigër prej letre” dhe ka shtuar se largimi i SHBA-së nga traktati i mbrojtjes është tani “përtej rikonsiderimit”.
Deklarata e Trumpit shihet si shenja më e fortë deri tani se Shtëpia e Bardhë nuk e konsideron më Evropën si partnere të besueshme, veçanërisht pas refuzimit të aleatëve për të dërguar anije lufte për të rihapur Ngushticën e Hormuzit.