Kryetari i Partisë Republikane në Serbi, Nikola Sanduloviq ka reaguar pasi dje vajza e tij Klara u ndalua në Merdare nga policia serbe në këtë pikë kufitare, teksa po kthehej në Serbi pas përfundimit të homazheve në Prekaz, te familja Jashari.
Nikola Sanduloviq tha se vajza e tij është marrë në pyetje nga BIA serbe për 4 orë, teksa pati një thirrje për Evropën, Britaninë e Madhe si dhe SHBA-të.
“Pas 4 orësh marrje në pyetje dhe ngacmime nga BIA, Klara Sanduloviq dhe Mihajlo Todiq u lejuan të hyjnë në vendin e tyre! Evropa, Britania e Madhe dhe Amerika duhet ta ndalin këtë regjim diktatorial që po persekuton kundërshtarët politikë dhe familjet e tyre”, ka shkruar Sanduloviq.
“Të respektojmë që të mos përsëritet më”, shkroi Klara Sanduloviq në letrën që la te varri i Blerina Jasharit.
Pas homazheve, Klara Sanduloviq tha se babai i saj është i vetmi politikan serb që promovon paqen e prosperitetin dhe se politika e tij bazohet në falje dhe paqe.
After 4 hours of interrogation and harassment by the BIA Klara Sandulović and Mihajlo Todić were allowed to enter their country! Europe, Great Britain and America must stop this dictatorial regime that is persecuting its political opponents and their families!@aliciakearns @FBI
— Nikola Sandulovic (@Sandulovic_N)January 27, 2024
Javë më parë, kryetari i Partisë Republikane Serbe, Nikola Sanduloviq ishte arrestuar dhe rrahur nga shërbimi sekret serb, vetëm për faktin që kishte vizituar Prekazin.