Telenews

Udhëheqësit e këtyre tri vendeve evropiane shkojnë në Kiev, do ta takojnë Zelenskyn

Liderët nga tre vende evropiane do të udhëtojnë në Kiev për t’u takuar me presidentin ukrainas Volodymyr Zelensky dhe kryeministrin ukrainas Denis Shmyhal të martën, sipas qeverisë polake, raporton CNN, transmeton Paparaci.
Në një deklaratë të martën, zyra e kryeministrit polak tha se kryeministri Mateusz Morawiecki, zëvendëskryeministri Jarosław Kaczyński, kryeministri çek Petr Fiala dhe kryeministri slloven Janez Jansha do të vizitojnë kryeqytetin ukrainas si përfaqësues të Këshillit Evropian.
“Vizita është organizuar në konsultim me Presidentin e Këshillit Evropian Charles Michel dhe Presidenten e Komisionit Evropian Ursula von der Leyen”, thuhet në deklaratë.
“Qëllimi i vizitës është të konfirmojë mbështetjen e qartë të të gjithë Bashkimit Evropian për sovranitetin dhe pavarësinë e Ukrainës. Qëllimi i kësaj vizite është gjithashtu të paraqesë një paketë të gjerë mbështetjeje për Ukrainën dhe ukrainasit”.

Të ngajshme

Roberta Metsola rizgjidhet në krye të Parlamentit Evropian

Erzana Fazliu

Clark emërohet anëtar nderi i Odës Ekonomike Amerikane të Kosovës dhe i Bordit të Guvernatorëve të saj

Erzana Fazliu

Lansohet “Dritarja për investime të diasporës”, Kurti: 100 milionë euro për investimet e mërgatës

Erzana Fazliu