Vendimi i Ukrainës për të bojkotuar lojërat olimpike Paris 2024 nuk është pritur mirë nga organizatorët e eventit. Në një reagim të bërë, ata kanë kritikuar Ukrainën për këtë bojkot, të cilin e quajnë të padrejtë, ndërkohë nismës i është bashkuar dhe Letonia. Arsyeja që atletët ukrainas nuk marrin pjesë në lojërat olimpike është fakti që aty do të garojnë dhe atletët rus dhe bjellorus.
Situata e shkaktuar nga lufta ka ndikuar në të gjitha fushat, duke përfshirë këtu dhe sportin, deri në marrjen e vendimeve të tilla. Komiteti Olimpik Ndërkombëtar njoftoi pak kohë më parë se atletët rus e bjellorus do të garojnë si neutral, pavarësisht luftës.
I menjëhershëm qe dhe reagimi i presidentit të Ukrainës Volodimir Zelensky dhe dhe ministrit të sportit Vladimir Gutsait. Këshilltari i presidentit Zelensky, Mikhailo Podoljak e cilësoi komitetin olimpik ndërkombëtar si një promotor të dhunës, vrasjeve dhe shkatërrimit.
Replikat qenë të vazhdueshme edhe nga organizatorët, teksa në njërën prej tyre shtonin se bojkoti nuk i arrin qëllimet politike, por ndëshkon vetëm sportistët duke mos marrë pjesë në kompeticion.