Ministri i Financave dhe Transfereve, Hekuran Murati e ka hequr postimin e vitit 2016 nga Facebook-u i tij individual, ku i quante veteranët e luftës mercenarë.
Linku nuk mund të gjendet më
Bile edhe mercenarë me pas angazhu na kish dalë më lirë – 3 muaj ka 2 mijë euro bëjnë 6 mijë euro për kokë – 20 mijë mercenarë (të përgatitun ushtarakisht) kishin me na kushtu veç 120 milionë euro gjithsej. Edhe as faleminderit s’kish pasë nevojë me iu thanë”, kishte shkruar Murati.
Murati është kritikuar ashpër për qëndrimin e tij të para gjashtë viteve.
Eksponentë opozitarë, ish-luftëtarë e veteranë të luftës, pjesëtarë të shoqërisë civile e qytetarë nga anë të ndryshme të vendit, kanë kërkuar dorëheqjen e ministrit pas zbulimit të tij të dikurshëm të qëndrimit të tij për këtë çështje.