Një 34-vjeçar nga Gjakova, ka vdekur këtë të diel, në QKUK pas plagëve të shkaktuar nga arma e zjarrit.
Këtë për portalin Dukagjini e ka konfirmuar zëdhënësi i Policisë për rajonin e Gjakovës, Sheremet Elezaj, i cili ka thënë se veprimet hetimore janë ndërmarrë në drejtim të veprës “vetëvrasje në tentativë”.
“Sot rreth orës 10:10 kemi pranuar informatë se një person mashkull i lindur në vitin 1990 është dërguar në gjendje të rëndë shëndetësore në Spitalin e Përgjithshme në Gjakovë e më vonë në QKUK për trajtim mjekësor, (dyshohet për shkak të plagës së shkaktuar nga armë zjarri). Njësitet e nevojshme policore menjëherë ju kanë përgjigjur rastit ku është gjetur dhe sekuestruar një armë zjarri. Fillimisht, në konsultim me prokurorin e shtetit, veprimet hetimore janë ndërmarrë në drejtim të veprës “vetëvrasje në tentativë”. Rreth orës 12:50, nga QKUK jemi njoftuar se viktima ka ndërruar jetë”, ka thënë Elezaj.