Drejtori i përgjithshëm i Policisë së Kosovës, Gazmend Hoxha, vizitën e parë sot e ka bërë në katër stacionet policore të drejtorisë rajonale, Mitrovicë Veri.
Në njoftimin e Policisë së Kosovës thuhet se qëllimi i kësaj vizite ishte që Hoxha të shoh nga afër punën, angazhimin dhe përkushtimin e punonjësve policorë si dhe rezultatet e arritura pavarësisht sfidave, sakrificës dhe vështirësive që kanë kaluar zyrtarët policorë.
Ai me këtë rast pohoi se arritja e objektivave dhe përmbushja e obligimeve ligjore dhe kushtetuese është arritur falë punës ekipore, bashkëpunimit, guximit dhe përkushtimit të vazhdueshëm në ruajtjen e rendit dhe sigurisë publike, si dhe shërbimit ndaj qytetarëve pa dallim.
Përveç tjerash, menaxhmenti i lartë i PK-së, falënderuan zyrtarët policorë për punën e palodhshme dhe angazhimin e pakursyer në interes të sigurisë nacionale, ofruan mbështetjen dhe përkrahjen e tyre të plotë ndaj zyrtarëve policorë, si dhe inkurajuan ata që të vazhdohet me punë profesionale në zbatim të ligjit, në ofrimin e sigurisë si dhe ruajtjen e rendit dhe qetësisë publike.