Me shumë emocion dhe entuziazëm, Xheneta Fetahu, po hap një faqe të re në karrierën e saj artistike.
Pas përkushtimit në fusha të ndryshme, tani ajo po i jep mundësinë vetes që të provojë veten në aktrim, duke marrë pjesë në një serial të ri televiziv ku do të luajë rolin e Rinës.
“Një kapitull i ri po vjen. Rina është gati, a jeni ju. Së shpejti, seriali i ri”, ka shkruar ajo.
Ky është një hap i rëndësishëm dhe shumë emocionues për ish-banoren e Big Brother VIP Kosova 3, e cila përmes këtij roli do të zbulojë një dimension krejt të ri të talentit të saj.
Fillimi i Xhenetës në aktrim nuk është thjesht një eksperiencë e re profesionale, por edhe një rrugëtim personal i cili do ta sfidojë dhe do ta pasurojë artistikisht.
Me pasion, përkushtim dhe dëshirën për të dhënë më të mirën, ajo po përgatitet të bëjë një hyrje të fortë në botën e televizionit.
Për ndjekësit dhe fansat e saj, ky lajm është një arsye më shumë për të mbështetur në këtë rrugëtim të ri dhe për të qenë pjesë e aventurës së saj.
Seriali ku do të luajë do të publikohet së shpejti, dhe padyshim që do të sjellë një histori të bukur, me ngjarje të forta dhe personazhe që do të lënë gjurmë.