Telenews

Ylli fiton dramën me Pejën dhe kalon në finalen e madhe

Golden Eagle Ylli është finalisti i dytë i në Superligën e Kosovës në basketboll, ku do të përballet me Trepçën.

Në gjysmëfinale, Ylli e eliminoi kampionen në fuqi, Pejën në serinë gjysmëfinale me rezultatin 3-2.

Ndeshja vendimtare u zhvillua në “Karagaçin” e zbrazët, ku suharekasit fituan me rezultat 88:84.

Ylli pas kësaj fitoreje iu bashkuar Trepçës në finale, që kishte fituar më herët në gjysmëfinale ndaj Prishtinës me rezultat të përgjithshëm 3-0.

Sërish më i miri tek Ylli ishte fundori Alonzo Verge Jr. Ai ndeshjen e përfundoi me 25 pikë, shtatë kërcime e shtatë asistime.

Jalen Nesbitt i kishte 12 pikë e tetë kërcime, ndërsa 12 pikë e tri kërcime i shtoi kapiteni Gëzim Morina. Kontribut dhanë edhe Vincent Cole me 17 pikë e katër kërcime dhe Jan Palokaj me 14 pikë.

Larry Thomas i kishte 14 pikë, shtatë kërcime e pesë asistime te Peja. Deandre Davis i kishte 16 pikë e pesë kërcime, ndërsa Arian Qallakaj 12 pikë e tri kërcime. Jimmy Hall realizoi 14 pikë, ndërsa në momentet vendimtare u shqua Musab Mala. Ai e mbylli ndeshjen me 13 pikë. /Telegrafi

source

Të ngajshme

KH Rahoveci afër titullit të parë në histori të klubit, fiton finalen e parë ndaj Besës

Donat Hashani

Arrihet marrëveshja, Kompany trajner i ri i Bayernit

Besëlidhja kampione e Shqipërisë në basketboll

Donat Hashani