Real Madridi ka vendosur ta regjistrojë transferimin e ri, Franco Mastantuonon, si lojtar të Castillas për sezonin 2025/26, raporton Marca.
Ky hap shihet si strategjik, pasi i jep klubit fleksibilitet në listën e regjistrimeve, veçanërisht në rast se hapet një mundësi e re për përforcime para mbylljes së afatit kalimtar.
Mastantuono iu bashkua zyrtarisht madrilenëve nga River Plate për një shumë rekord prej 63.2 milionë eurosh, që përfshin edhe klauzolën e lirimit prej 45 milionë eurosh.
Mesfushori argjentinas do të mbajë fanellën me numër 30, duke ruajtur kështu numrin e tij të preferuar, pavarësisht zërave të mëparshëm që sugjeronin se mund të merrte numrin 25.
Vendosja e tij te Castilla nuk do të thotë se ai nuk do të ketë shanse me ekipin e parë, pasi rregullat i lejojnë të aktivizohet në të dyja skuadrat gjatë sezonit.
Ky vendim konfirmon qasjen e Real Madridit për të integruar gradualisht talentet e rinj, duke u dhënë kohë për t’u përshtatur me futbollin evropian dhe ritmin e La Ligës.