Telenews

Zekirija Ramadani, trajneri i ri i SC Gjilanit

Trajneri i njohur, Zekirija Ramadani, ka marrë drejtimin e skuadrës së Gjilanit.
Lajmi është bërë i ditur nga klubi gjilanas përmes një njoftimi të lëshuar në faqen zyrtare.
Ramadani me Gjilanin ka nënshkruar kontratë dy-vjeçare, me opsion për zgjatje të bashkëpunimit.
44-vjeçari është i njohur në futbollin kosovar, pasi ka fituar tre tituj kampioni me tri skuadra të ndryshme; me Trepçën ’89, Feronikelin dhe Prishtinën.

Trajneri shkupjan së fundmi ishte trajner te Egnatia, teksa më herët ka udhëhequr edhe Shkupin e Flamurtarin e Vlorës.
Njoftimi i plotë nga SC Gjilani (pa ndërhyrje):
“Sport Club Gjilani me kënaqësi komunikon angazhimin e trajnerit Zekirija Ramadani. Drejtuesit dhe tekniku 44 vjeçarë kanë gjetur akordin për kontratë dy vjeçare, me opsion për zgjatje të bashkëpunimit.
Ramadani vjen me një eksperiencë të pasur nga drejtimi i shumë klubeve dhe shumë trofeve të fituar, ndër të tjerash si tri herë kampion i Kosovës me tri skuadra të ndryshme.
Të gjithë në SC Gjilani urojnë shefin e ri të shtabit teknik, duke i dëshiruar shumë sukses në periudhën që pason, duke nisur nga garat ndërkombëtare.
SC Gjilani po ashtu njofton se gjatë ditëve në vijim do të ju informoj edhe për më të rejat në kampin kuq & bardh”.

Të ngajshme

Distria Krasniqi kalon në gjysmëfinale në Kampionatin Botëror

Donat Hashani

Slavia pëson humbje, Ballkani bëhet lider i Grupit G në Ligën e Konferencës

KushtrimGuraj

Ballkani i madh fiton në Turqi

KushtrimGuraj