Presidenti ukrainas, Volodymyr Zelensky ka kërkuar ndihmën e BE-së për rivendosjen e rrjetit energjetik në vendin e tij, i cili është dëmtuar rëndë nga sulmet ruse.
“Rreth 40% të sistemit energjetik është shkatërruar”, tha sot kreu i shtetit në një takim me komisionerin e Energjisë, të BE-së, Kadri Simson në Kiev.
“Komisioni Evropian duhet të luajë një rol koordinues në rivendosjen e infrastrukturës energjetike”, tha Zelensky.
Ai kujtoi Grupin e Kontaktit të Ukrainës, në të ashtuquajturin formati “Ramstein”, në të cilin vendet mbështetëse koordinojnë ndihmën e tyre për armë.
“Për ekonominë dhe energjinë, duhet të ketë një grup të ngjashëm të formatit “Ramstein”, tha ai.
“Jam i sigurt se do të riparojmë gjithçka. Dhe në një kohë më të qetë, kur situata në sistemin tonë energjetik të jetë sërish i qëndrueshëm, ne do të eksportojmë sërish energji elektrike në Evropë”, tha Zelensky, shkruan ATSH.