Duke kërkuar për më shumë luftëtarë, presidenti i Ukrainës Volodymyr Zelensky tha se sipas ligjit ushtarak, do të lejojë që personat e burgosur me përvojë luftarake të lirohen për të ndihmuar në mbrojtjen e vendit dhe “të kompensojnë fajin e tyre”.
Ai tha se ka besim që do të fitojnë ndaj Rusisë, derisa theksoi se kur kishte planifikuar të kandidonte për president, kishte thënë se secili qytetar është president.
“Kur planifikova të bëhem president, thashë se secili prej nesh është president. Sepse të gjithë jemi përgjegjës për shtetin tonë. Për Ukrainën tonë të bukur. Dhe tani ka ndodhur që secili prej nesh është një luftëtarë, dhe kam besim që secili prej nesh do të fitojë”, deklaroi Zelensky nëpërmjet një videoje të publikuar në Twitter.
New Zelensky address: “When I planned to become a president, I said that each of us is the president. Because we are all responsible for our state. For our beautiful Ukraine. And now it has happened that each of us is a warrior… And I am confident that each of us will win.” pic.twitter.com/zN629XehUv
— Christopher Miller (@ChristopherJM) February 28, 2022