Policia e Kosovës ka njoftuar për një rast të zhdukjes së një personi në Gjakovë.
Sipas raportit policor, një person ka raportuar se vëllai i tij para tre muajve i ishte në vizitë dhe prej asaj dite nuk i dihet vendndodhja.
Rasti ka ndodhur në rrugën “Musa Zajmi” në Gjakovë.
“Ankuesi mashkull kosovar ka raportuar se diku rreth tre muaj më parë, vëllai i tij ka qenë në vizitë dhe pas asaj vizite nuk dihet për vendndodhjen e tij”, thuhet në raport.
Në lidhje me rastin është konsultuar prokurori i shtetit, rasti vazhdon të hetohet.