Shoqata PePeKo organizon forumin e sektorit ushqimor – edicioni i katërt. (Hotel “Emerald” Prishtinë, ora 9:00)
Mbahet seanca gjyqësore në rastin e arrestimit të një serbi në lidhje me ngjarjen tragjike në Prizren. (Pallati i Drejtësisë Prishtinë, ora 9:30)
Agjencia për Barazi Gjinore në bashkëpunim me Qendrën Kosovare për Studime Gjinore organizojnë takimin e rregullt konsultativ, në prag të 30-të vjetorit të Platformës së Pekinit, 24-vjetorit të Rezolutës 1325 Gratë Paqja dhe Siguria. (Hotel “Emerald” Prishtinë, ora 10:00-12:00)
Në kujtim dhe nderim të heroit Afrim Zhitia, gjithë të rënëve dhe demonstruesve të vitit 1989, Shoqëria Lëvizja zbulon pllakën përkujtimore në vendin ku Afrim Zhitia mbajti fjalim para popullit që po demonstronte kundër dhunës, terrorit dhe represionit që ushtronte pushtuesi. (Rruga “Haxhi Zeka” numër 400, Prishtinë, ora 10:00)
Fondi i Kosovës për Efiçiencë të Energjisë mban ceremoninë e nënshkrimit të marrëveshjeve me komunat përfituese për projektin “Zbatimi i masave të efiçiencës së energjisë për ndërtesat shumë-banesore sociale”. (Fondi i Kosovës për Efiçiencë të Energjisë, ish-banka e Lubjanës, kati i shtatë, Prishtinë, ora 10:00)
Kryetari i AAK-së Ramush Haradinaj bën homazhe te shtatorja e heroit Zahir Pajaziti në Prishtinë. (Ora 10:00)
Komisioni hetimor parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024 – intervistimi i dëshmitarëve: Fadile Dyla, sekretare e përgjithshme e MASHTI-t, Avni Rexha, ushtrues detyre i drejtori të Departamentit të Arsimit Parauniversitar, Genc Hamzaj, Agjencia e Shoqërisë së Informacionit – ASHI. (Kuvendi i Kosovës, salla N-204, ora 13:30)
Klubi i Futbollit Feronikeli 74 mban konferencë të jashtëzakonshme për media pas vendimit për tërhejen përfundimtare nga të gjitha farat e Federatës së Futbollit të Kosovës. (Stadiumi “Rexhep Rexhepi” Drenas, ora 14:30)
Komuna e Vushtrrisë organizon festivalin e poezisë. (Qendra e Kulturës “Hasan Prishtina” Vushtrri, ora 17:00)
Kryetari i AAK-së Ramush Haradinaj takohet me strukturat udhëheqëse të degës së Aleancës në Viti, ku do të bëhet prezantimi i kandidateve për deputet nga dega e Vitisë. (Restaurant Rio, përballë Shtëpisë së Kulturës, në qendër të qytetit, ora 17:30).