Telenews

ZRRE thotë se ka marrë mbështetje në Vjenë për “rritjen” e çmimit të energjisë elektrike

Ssekretariati i Komunitetit të Energjisë me seli në Vjenë i ka dërguar një letër Zyrës së Rregullatorit për Energji (ZRRE) në Kosovë, ku ka theksuar rëndësinë e pavarësisë së autoritetit rregullator dhe procesit të vendimmarrjes për tarifat e energjisë elektrike.

Në reagimin e Sekretariatit, lidhur me paralajmërimet e ZRRE-së për një rritje prej 15% të tarifave të rrymës dhe për nisjen e procesit të liberalizimit të tregut të energjisë, theksohet se institucionet shtetërore duhet të sigurojnë që vendimet të mbeten të bazuara në prova dhe pa ndikime të padrejta.

”Sekretariati i Komunitetit të Energjisë, me seli në Vjenë, ka shprehur mbështetjen e tij për veprimet e Bordit të Zyrës së Rregullatorit për Energji (ZRRE) në kete proces tarifor. Në një letër zyrtare te derguar sot, Sekretariati ka theksuar rëndësinë e transparencës dhe pavarësisë në vendimmarrjen rregullatore, si elemente kyçe për një treg energjetik të drejtë dhe të qëndrueshëm” thuhet në njoftim.

Gjithashtu, është nënvizuar se përcaktimi i tarifave në mënyrë të drejtë dhe të bazuar në kosto reflektive është thelbësor për sigurinë afatgjatë të sektorit të energjisë dhe mbrojtjen e konsumatorëve.

Sekretariati inkurajon të gjitha palët e interesuara të marrin pjesë në një konsultim konstruktiv me ZRRE-në, në përputhje me parimet e legjislacionit evropian./

Të ngajshme

Arrestohen dy 16-vjeçarë për vjedhje në Ferizaj

Valjeta Turkaj

“Nuk ka fitues në luftërat tregtare”, thotë Ministria e Jashtme e Kinës

Valjeta Turkaj

Skandaloze: Serbët e djegin flamurin e Kosovës një natë para Kongresit të UEFA-s në Beograd

Valjeta Turkaj