Ka përfunduar seria finale e Ligës së dytë të Kosovës në kategorinë seniore te meshkujt në basketbollin e Kosovës.
Tashmë e kemi emrin e ekipit të ri që do të garojë në edicionin e ardhshëm në Ligën e parë.
Skuadra simpatike, Gjakova e Re është skuadra më e re e Ligës së parë, pas triumfit 2-0 në serinë finale ndaj KB Kosovarit duke i mposhtur këta të fundit në dy ndeshje (41-64, 65-50).
Është kjo hera e parë për ekipin nga Gjakova që do të luajë në këtë rang të basketbollit të Kosovës.
Derisa, Kosovari pas kësaj humbje e ka edhe një mundësi për të arritur Ligën e parë, ku do të ndeshet në “play out” me Marigona Hill Prishtinën. /AsistiOnline.com/
