25 persona u arrestuan në bastisje në të gjithë Gjermaninë, të dyshuar se po bënin plan për të rrëzuar qeverinë.
Raportet gjermane thonë se grupi i të djathtës ekstreme dhe ish-figura ushtarake planifikonte të sulmonte ndërtesën e parlamentit, Reichstag dhe të merrte pushtetin, shkruan BBC, përcjell KosovaPress
Një gjerman, të cilit po i referohen si princ Heinrich XIII, 71, dyshohet se ishte figura qendrore prapa planeve të tyre.
Sipas prokurorisë federale, arrestimet u bënë në 11 shtete gjermane.
Rreth 50 burra dhe gra dyshohet se ishin pjesë e grupit që thuhet se planifikuan për të rrëzuar republikën dhe për ta zëvendësuar atë me një model siç ishte Gjermania e vitit 1871.
“Ne nuk kemi ende emrin e këtij grupi”, tha një zëdhënëse e zyrës së Prokurorisë Federale.