Në mesnatën që lamë pas u zhvilluan 4 duele të ligës më të fortë të basketbollit në botë, NBA.
Rezultate mjaftë interesante u arritën, sidomos me pikët e shënuara.
Dueli mes Atlanta Hawks dhe Indiana Pacers u mbyll 131-128 në favorin e Hawks me simpatikun Trae Young që shkëlqeu me plotë 47 pikë.
Fitore në shtëpi arritën edhe ‘pelikanët’ që triumfuan ndaj Houstonit 130-105, nën-shkëlqimin e lituanezit, Jonas Valanciunas që realizoi double-double prej 32 pikëve e 10 kërcimeve.
Memphis Grizzlies fituan në udhëtim te Oklahoma 118-125, ku spikati Desmond Bane i Grizzlies me 21 pikë.
Dhe në duelin e fundit, skuadra më në formë e NBA-së, Phoenix Suns triumfuan ndaj LA Lakers të ‘kingut’ James me shifrat e thella 140-111. ku për Suns në këtë fitore u dallua, Devin Booker me double-double 32 pikë e 10 asiste. /Telenews.al/
