Rreth 7,200 personel të shërbimit ukrainas janë zhdukur që nga fillimi i pushtimit rus, thotë Avokati i Popullit i Ukrainës, Oleh Kotenko.
Shumica e tyre janë në robëri ruse, tha ai për kanalin televiziv të Ukrainës Suspilne.
Kotenko tha se forcat e armatosura të Ukrainës kishin raportuar më parë rreth 2,000 trupa të zhdukur, raporton BBC.
Por ai tha se numri shumë më i lartë përfshinte anëtarë të Gardës Kombëtare, rojet kufitare dhe shërbimin e sigurisë.
“Qendra jonë e thirrjeve ka informacion për 7200 persona”, tha z. Kotenko, komisioneri i Ukrainës për personat e zhdukur.
Ai tha se shpresonte që “herët a vonë” ata do të shkëmbeheshin me robër lufte rusë dhe do të ktheheshin në shtëpi.
As forcat e armatosura të Ukrainës dhe as ushtria ruse nuk e kanë komentuar publikisht këtë çështje.
Si Kievi ashtu edhe Moska pretendojnë se kanë marrë mijëra robër që kur Rusia pushtoi Ukrainën më 24 shkurt. Që atëherë, dy palët ndërluftuese janë përfshirë në disa shkëmbime të burgosurish.