Asociacioni i Gazetarëve të Kosovës ka reaguar pas sulmeve ndaj gazetarëve në Leposaviq, nga protestuesit serbë.
AGK ka thënë se e ka kontaktuar menjëherë Policinë e Kosovës që t’u sigurojë një perimetër të sigurt të raportimit gazetarëve, raporton Express.
Në fund, AGK-ja u ka bërë thirrje të gjithë gazetarëve që të respektojnë udhëzimet e dhëna nga zyrtarët e Policisë së Kosovës që janë prezent atje, dhe të kenë kujdes të shtuar gjatë raportimit
Gazetarët që po i përcjellin nga afër ngjarjet në veri të vendit janë sulmuar në Leposaviq.
Gazetarja e T7, Arianitë Zhegrova raportoi se gazetarët janë sulmuar me gurë, vezë e shishe, kryesisht nga personat e maskuar.
Tensionimi i situatës nisi papritur, ndërsa forcat e KFOR-it po vijojnë të qëndrojnë në afërsi të objektit të komunës.
Personat e maskuar ishin të pranishëm edhe dje në protestat në komunat veriore. Në Zveçan, kur nisi përplasja me KFOR-in, ata dolën në rend të parë, duke i sulmuar pjesëtarët e misionit paqeruajtës të NATO-s me mjete plasëse si shok-bomba e koktej molotovi.