Policia e Kosovës ka arrestuar dy serbë në veri të Kosovës mbrëmjen e së martës.
Në njoftimin e Policisë, thuhet se të dyshuarve iu konfiskuan mjete të mprehta, simbole nacionaliste dhe kartela të veteranëve të luftës së Serbisë.
“Policia e Kosovës (PK), në vazhdën e angazhimeve për ofrim të sigurisë dhe parandalim të veprimtarive kriminale, mbrëmë, gjatë natës, në veri të vendit, ka ndaluar një automjet (me targa të Sllovenisë), me të cilin ishin duke qarkulluar dy persona meshkuj serbë, shtetas të Serbisë”, thuhet në njoftimin e PK-së.
Të dyshuarve iu është vendosur masa e ndalimit prej 48-orëve.