Një burrë ka vdekur pasi vetura që ai po drejtonte dyshohet është rrokullisur jashtë rrugës, tha Policia e Kosovës.
Rasti ka ndodhur në autostradën “Ibrahim Rugova”, në kilometrin e 27-të, të shtunën rreth orës 04:20.
Vdekjen e viktimës e ka konstatuar ekipi mjekësor. Nga ky aksident, një pasagjer është lënduar dhe është dërguar për trajtim mjekësor.
“Me vendim të prokurorit trupi i pa jetë është dërguar në IML për obduksion”, thuhet në raportin 24-orësh.
