Qeveria e Kosovës në mbledhjen e sotme ka miratuar vendimin për shpronësim të pronës së paluajtshme ish-shoqërore “Ballkani” Njësia Damper për nevoja të Ministrisë së Mbrojtjes dhe Forcës së Sigurisë së Kosovës.
Kështu, është miratuar edhe ndarja e 20% për ish-punëtorët e Ballkanit.
Kryeministri Albin Kurti në fjalën e tij tha se ka zgjatur tejet shumë padrejtësia ndaj ish-punëtorëve të Ballkanit.
“Me përfundimin e procedurës së shpronësimit sipas hapave ligjor të ndërmarra nga MMPHI do të kompenzohen në vlerën prej 20 për qind të shumës edhe punëtorët e ish fabrikës “Ballkani”. Padrejtësia ndaj të cilëve në kuptim zbatimi detyrimi ka zgjatur tejet shumë. Qeveria jonë sigurohet në përmbushjen e të drejtave të punëtorëve”, u shpreh Kurti.