I akuzuari për vrasjen Agonis Tetajt, Shaban Gogaj është shpallur fajtor dhe është dënuar me 7 vjet e 6 muaj burgim edhe në rigjykim për veprën penale vrasje nga pakujdesia.
Gogaj u dënua për vrasje nga pakujdesia dhe armëmbajtje pa leje lidhur me këtë rast që ndodhi në vitin 2018.
Në shpalljen e aktgjykimit, gjykata ka bërë rikualifikim e veprës penale nga vrasja e rëndë, siç e cilëson aktakuza, në vrasje nga pakujdesia.
Ndryshe, pas shqyrtimit të ankesave të mbrojtësit të Shaban Gogajt, avokatit Besnik Berisha, palës së dëmtuar dhe ankesën e Prokurorisë Themelore në Gjilan, Gjykata e Apelit më 23 mars 2023 e kishte kthyer lëndën në rigjykim.