Dy persona kanë vdekur dhe një tjetër pësoi lëndime të rënda si pasojë e një aksidenti mes dy makinave në Leposaviq në ora 00:05 pas mesnatës.
Munish Avdiu nga policia për Kallxo.com bëri të ditur se dy makinat ishin me tabela të Serbisë, derisa dy shoferët që vdiqën njëri në vend, tjetri në spitalin në Mitrovicë, ishin qytetarë serb të Kosovës.
“Aksidenti në Leposaviq ka ndodhur 5 minuta pas mesnatës, dy vozitësit serbë të Kosovës kanë vdekur njëri në vend, tjetri në spital, derisa edhe një pasagjer ka marrë lëndime të rënda dhe po merr trajtim”- bëri të ditur Avdiu.