Policia e Kosovës ka ndërhyrë në protestën e sotme pranë Rektoratit të Universitetit të Prishtinës, ku po protestojnë studentët dhe aktivistët për shkarkimin e profesori Xheavt Krasniqi, i cili dushet për ngacmime seksuale ndaj studentëve.
Në këtë ndërhyrje të Policisë u arrestua aktivisti Rron Gjinovci, i cili ka reaguar pas lirimit.
“Të dashtun, jom liru, jom tu shku në zyre. Unë s’kom kurgjo me thanë, kanë folë studentet dhe aktivistet boll, ndëgjojini ato. Është koha me i ndëgju storjet e studenteve dhe kërkesat e aktivisteve që po e organizojnë protestën, e na tjert me u solidarizu me to”, ka shkruar Gjinovci në Facebook.
Ai është mbajtur për disa minuta dhe pastaj është liruar dhe u është bashkuar përsëri protestuesve, të cilët ishin mbledhur para stacionit policor në Prishtinë.
Pranë rektoratit sot gatë ditës po protestonin aktivistët e Lëvizjes Feministe Studentore (LFS).