Kombëtarja e Shqipërisë e ka publikuar listën e futbollistëve të ftuar për fazën përgatitore para Kampionatit Evropian “Euro 2024”.
Përzgjedhësi Sylvinho ka vendosur t’i ftojë 27 futbollistë.
Në mesin e tyre janë edhe sulmuesi i Rubin Kazan, Mirlind Daku dhe anësori i Dinamo Zagreb, Arbër Hoxha.
Ndërsa, ftesë nuk kanë marrë Arbnor Muja dhe Sokol Cikalleshi.
Risi është edhe ftesa e mesfushorit të Lecces, Medon Berisha.
Berisha kishte qenë kapiten i Kombëtares U21 të Shqipërisë, ndërsa më herët ishte pjesë edhe Kosovës U21.
Lista zyrtare pritet të publikohet më 6 qershor. Nga lista preliminare do të largohet vetëm një futbollist.
Shqipëria është në grupin B të Kampionatit Evropian me Italinë, Spanjën dhe Kroacinë.