Trafiku Urban në kryeqytet ka njoftuar se janë vendosur kioska të reja për shitjen e biletave mujore në Prishtinë.
Sipas njoftimit, thuhet se vendosja e kioskave është bërë për përmirësimin e shërbimeve ndaj udhëtarëve dhe për kushtet e punës.
Kështu u bë e ditur nga Trafiku Urban përmes një postimi në rrjetin social Facebook.
“Në kuadër të ndryshimeve pozitive për shërbime më të mira për qytetarët dhe përmirësimin e kushteve të punës, kemi kënaqësinë t’ju njoftojmë për vendosjen e kiosqeve të reja në pikat tona të shitjes së biletave mujore.Këto kiosqe janë një hap përpara në përmirësimin e eksperiencës së udhëtarëve dhe kushteve të punës për stafin tonë”, thuhet në njoftim.