Shefi i Grupit Parlamentar të Aleancës për Ardhmërinë e Kosovës, Besnik Tahiri, i është drejtuar kryeministrit Albin Kurti, duke shkruar se mandati 4-vjeçar i shkoi me rima.
Përmes një postimi në “Facebook”, Tahiri është shprehur se 17 shkurtit, ndër të tjera, i kanë dhënë kuptim njohjet e shtetësisë dhe, sipas tij, themelimi i Ushtrisë.
“17 shkurtit i kanë dhënë kuptim njohjet e shtetësisë, i kanë dhënë kuptim themelimi i ushtrisë, pavarësimi energjetik, rregullimi i statutit të Trepçës, rritjet e pagave, orët shtesë për policinë e shumë shumë vendime të tjera. Lej more rimat me filtera e bojlera, po përfundo naj projekt a ndonjë rrugë se të shkojë mandati 4-vjeçar me rima,” shkruan Tahiri.