Ministria e Infrastrukturës e ka hapur shpalljen për pranimin e ofertave për projektin e zgjerimit të rrugës Prishtinë-Pejë, konkretisht për segmentin Dollc-Zahaq.
Tenderi është i ndarë në katër llote të ndryshme, vlera e të cilave parashihet të jetë 45 milionë euro.
Sipas njoftimit të publikuar nga Zyra e Prokurimit e MI-së, afati që operatorët e interesuar kanë për dorëzimin e ofertave është 29 korriku.
Nëse procedurat shkojnë sipas planit, atëherë pas përzgjedhjes së operatorëve fitues, projekti pritet të përfundojë brenda 36 muajve, thuhet në Dosjen e Tenderit të publikuar në e-prokurimi.
Dy vite më parë, Ministria e Infrastrukturës i anuloi procedurat shpronësimit në trasenë e rrugës Dollc-Zahaq, nën dyshimin për abuzim me paratë publike.
Megjithatë, ministri Liburn Aliu tha se rikthimi në vlerësim i procedurës së shpronësimit nuk do të thotë anulim i projektit.
Pas publikimit të njoftimit paraprak, pason publikimi i njoftimit për kontratë në të cilën parashihen kushtet e kontratës.