Kompania Rajonale e Ujësjellësit “Prishtina” ka njoftuar konsumatorët që është e obligueshme të instalohen ujëmatësit individual.
Përmes një njoftimi në Facebook, KRU-ja ka deklaruar se banorët e ndërtesave kolektive që faturohen me ujëmatës të përbashkët, të instalojnë ujëmatësit individual me qëllim që faturimi të bëhet sa më real.
“Ju që keni 2 vertikale duhet të vendosni 2 ujëmatës, 3 vertikale 3 ujëmatës, 4 vertikale 4 ujëmatës, 5 vertikale 5 ujëmatës” thuhet në njoftim, përcjellë Indeksonline.
Sipas KRU “Prishtina”, ujëmatësi individual është i nevojshëm pasi që, në rast të rrjedhjes së ujit brenda ndërtesës, i tërë faturimi u vendoset atyre që kanë ujëmatës të përbashkët.
Ky është njoftimi i plotë:
Lusim konsumatorët të cilët jetojnë në ndërtesa kolektive ( të vjetra si psh. lagjja” Ulpiana”,” Dardania”, ” Bregu i Diellit” , etj) e të cilët faturohen me ujëmatës të përbashkët, që sa më shpejt të instalojnë ujëmatës individual për shkak të faturimit sa më real.
Ju që keni 2 vertikale duhet të vendosni 2 ujëmatës, 3 vertikale 3 ujëmatës, 4 vertikale 4 ujëmatës, 5 vertikale 5 ujëmatës.
Vendosja e ujëmatësve individual për herë të parë vendoset nga konsumatori.
Pse duhet të instalohet ujëmatësi individual:
Në rast të ndonjë rrjedhje të ujit në ndonjë vertikale brenda ndërtesës, i tërë uji që rrjedh iu faturohet juve që jeni me ujëmatës të përbashkët me ç’rast edhe nuk jemi përgjegjës për çfarëdo dëmtimi brenda ndërtesës suaj.