Deputetja e deritanishme e Lëvizjes Vetëvendosje, Drita Millaku sot është anëtarësuar në subjekt të ri politik.
Millaku ka kaluar në rradhët e Lidhjes Demokratike të Kosovës, ku është prezantuar si ardhje e re nga kryetar i kësaj partie Lumir Abdixhiku, përcjellë Telenews.al
Gjatë periudhës sa ishte deputete e VV-së, Millaku njihet për një debat të ashpër që e kishte pasur me ish kryetarin e Kuvendit të Kosovës Kadri Veseli, debat i cili kishte shpërthyer edhe në banalitet.
Deputetja Millaku e kishte akuzuar atë kohë kreun e Kuvendit të Kosovës, Kadri Veselin se ka fyer rëndë deputetët e opozitës madje sipas saj i ka sharë.
“Nuk t’kam dëgju që na ke sha me rob se për besë gazin lotsjellës në gojë ta kisha shti”- i kishte thënë ish-deputetja e Vetëvendosjes ish kryetarit Veseli.
Por nuk kishte munguar edhe përgjigjja e Kadri Veselit.
“E përdor me gojë shumë a? Kujdes me shprehjet se për besë ky është Kuvend”- kishte thënë Veseli.