Ministri i Mbrojtjes, Ejup Maqedonci, ka pritur në takim të enjten ambasadorin e Shteteve të Bashkuara të Amerikës në Kosovë, Jeffrey Hovenier.
Maqedonci ka bërë të ditur se në këtë takim është diskutuar për thellimin e bashkëpunimit midis dy vendeve, që thuhet se mbetet prioritet i dyanshëm.
“Me Ambasadorin Hovenier diskutuam për bashkëpunimin e vendeve tona në fushën e mbrojtjes dhe për situatën e përgjithshme të sigurisë. U pajtuam që thellimi i bashkëpunimit të vazhdoj të mbetet prioritet i dyanshëm”, thuhet në postimin e Maqedoncit në Facebook.
Tutje bëhet e ditur se gjatë takimit është diskutuar edhe për rëndësinë e vazhdimit të mbështetjes për luftën e popullit të Ukrainës si dhe kontributin aktiv të Kosovës si pjesë e Grupit të Kontaktit për Mbrojtjen e Ukrainës.
“SHBA-ja është mbështetësi kryesor i Republikës së Kosovës në te gjitha fushat”, është shprehur tutje ai.