Finalistët e Big Brother VIP Kosova 3 këtë të enjte do të hanë darkën e fundit në shtëpinë më të famshme në trojet shqiptare dhe jo vetëm.
“Vëllai i Madh” që nga 18 tetori çdo të enjte ka ulur banorët e nominuar në një tryezë ku herë përballeshin me pyetjet e publikut e herë me pyetjet për njëri-tjetrin.
Kësaj radhe dhe për herë të fundit ‘Vëllai i Madh’ do t’i vë finalistët përballë njëri-tjetrit në një darkë të shijshme, njofton Klankosova.tv.
Driloni, Xheneta, Vullneti, Sara dhe Xuxi do të përballen me pyetjet që kanë për njëri-tjetrin për herë të fundit.
Darka e finalistëve do të nis nga ora 21:00 dhe të njëjtën pos në dy kanalet e dedikuara për Big Brother VIP Kosova mund ta ndiqni edhe ne kanalin zyrtar të formatit në YouTube.
Kujtojmë se zgjedhja e fituesit është në dorën tuaj teksa televotimi për fituesin vazhdon të jetë i hapur deri në spektaklin ‘Prime’ të ditës së nesërme që është edhe finalja e madhe e këtij edicioni.
Prandaj, vazhdoni të votoni sepse ka mbetur shumë pak kohë deri në zbulimin e emrit të fituesit apo fitueses së këtij edicioni.