Loris Castriota Skanderbegh, pasardhësi i heroit kombëtar Gjergj Kastrioti Skënderbeu, ka shprehur urimet e tij me rastin e 17-vjetorit të Pavarësisë së Kosovës.
Në një mesazh të veçantë, të publikuar në llogarinë e tij zyrtare në Facebook, ai ka theksuar rëndësinë e kësaj dite historike për të gjithë popullin shqiptar.
“Dëshiroj të ua uroj gjithë popullit shqiptar festën e pavarësisë”, tha Loris Castriota Skanderbegh.
Castriota Skanderbegh, i cili e bart me krenari emrin e Skënderbeut, theksoi gjithashtu rëndësinë e unitetit midis shqiptarëve.
Me 16 tetor 2018 – Presidenti i atëhershëm Hashim Thaçi, kishte ndarë Medaljen e Dhjetëvjetorit të Pavarësisë Loris Castriota Skënderbeut, Reto Nauses dhe Gjon Berishës.
Pasardhësi i heroit tonë kombëtar, Gjergj Kastrioti – Skënderbeu, Loris Castriota Skënderbeu ishte vlerësuar nga Thaçi për mishërimin e tij me vlerat, traditat, historinë shqiptare dhe angazhimin e tij për ruajtjen, kultivimin dhe promovimin e këtyre vlerave.