Ellen DeGeneres ka bërë një hap të madh drejt një jete të re larg Shteteve të Bashkuara, duke shitur një tjetër nga pronat e saj në Montecito, Kaliforni.
Prezantuesja 67-vjeçare dhe bashkëshortja e saj, Portia de Rossi, kanë zgjedhur të jetojnë në fshatin anglez Cotswolds, pas një periudhe të vështirë në Hollywood.
Çifti shiti shtëpinë e tyre me dy dhoma gjumi për 5.2 milionë dollarë (4.8 milionë euro), një çmim më i lartë se ai i blerjes, duke vazhduar kështu prishjen e lidhjeve me SHBA-në, shkruan DailyMail.
Kjo lëvizje erdhi pas skandalit të vitit 2020 mbi akuzat për një ambient toksik pune në “The Ellen DeGeneres Show”, që ndikoi ndjeshëm në reputacionin e saj.
Ndërsa fillimisht ata e përshkruan fermën e tyre në Cotswolds si një parajsë të qetë, problemet nuk kanë munguar.
Përmbytjet e kohëve të fundit dhe çështjet me lejet e ndërtimit kanë bërë që çifti të kërkojë një tjetër pronë më të përshtatshme.
Sipas burimeve, Ellen dhe Portia po eksplorojnë një shtëpi të re, duke u munduar të përshtatin stilin e tyre të jetës kaliforniane me ambientin e qetë anglez.
Megjithatë, nuk dihet ende nëse ky do të jetë vendbanimi i tyre përfundimtar apo një tjetër hap në rrugëtimin e tyre të ri. /Telegrafi/
