Kombëtarja e Kosovës në futboll ka mbërritur në Spanjë për ndeshjen e kthimit kundër Islandës.
Ndeshja do të zhvillohet të dielen nga ora 18:00.
“Të bashkuar ecim drejt suksesit”, shkroi FFK-ja në Facebook, ku postoi edhe disa pamje të djemve të kombëtares në Spanjë.
Ndeshja e parë, e zhvilluar të enjten në Fadil Vokrri, u mbyll me fitoren e Dardanëve, 2:1.
Kjo përballje është e vlefshme për ngritje në Ligën B të Ligës së Kombeve.
Kosova është në Ligën C, dhe nëse fiton, kalon në B, kurse Islanda është në B, dhe synon mbetjen në të.